اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

توت اللریمدن
رقیه عبدیلی(سازاق)

گل ال ـ اله وئریب فصیلرده آددیملایاق
توت اللریمدن
آذر خیابانی‌نین سونوندا
سئودالانیر دویغولاریم
قورخما دونندن
صاباح آیدیندیر
بوراخ داریخمانی
سئویرم سنی
سئو منی
سئومک اوچون پولا گرک یوخ
سئومک اوچون سئویلمه‌نی باجارمالیسان
قالماغی باجارمالیسان
قادین کیمی سیغینمالیسان
نازلانیرام قادین- قادین
ارککلیگینی باشلامالیسان
آل نازلاریمی
پولسوز، پاراسیز آل
بیر پارچا اوره‌ک یئتر …
– ناز آلماغا-
یوبانسان!
باشلاسام ناز آلیب، ناز چکمگه
یاشام اؤزدنگسینی ایتیررکن
دیزلری اسیب
اوره‌گی تیتره‌یَجک
قورخو دوغولاجاق
گؤونجلر دَییشیله‌جک
اوره‌گینی بوراخیب
پولونا گؤونه‌جک قادینلیغیم
سئوینج! سئوگی‌ده یوخ
بانک کارتینده دوغولاجاق
گؤزللشمگی بورون جراحلیغیندا گوروب
تاتولوقدا سئچه‌جم
دیری – دیری سئوگینی قویلاییب
ساختا گولوش قونداراجام دوداقلاریما…
توت اللریمدن قادینلیغیم تکلیکدن قورخور
چیلله‌لن آیلی گئجه‌لریمه اولدوز سپدیر
سئوگینله گؤزللنیر فصیللرین گلین جیغازی
یالواجی گؤزلرینله
جانیمی قورتار ظولمتلردن
سازاقلی زاغا سنی سسله‌ییر
توت اللریمدن
اوخوت سئوگیمیزی!…

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *