ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

چیلله گئجه‌سی
حیدر عبادی (باریش)

بیر آز دایان
بیر آز یوبان
چیلله گئجه‌سی!
سؤنمه‌سین چیراغلار،
پوزولماسین رئکلاملارین رنگی چیخیشلاری،
توکانلارین دئکورو.
بیر آز دایان!
یوخسول اوشاقلارین حریص گؤزلری
چکیلمه‌ییب هله-
بزکلی توکانلارین شوشه‌لریندن.
بیر آز دایان
قارپوزلارا دویونجا باخسینلار!
دایان
نار دنه‌لرینی گؤزلرینه سیخسینلار،
سورسونلار باخیشلاریندا.
دایان
ائله بوردا دایان
تبریک دئسینلر،
اوزون عومور دیله‌سینلر
چیلله گئجه‌لری،
چیلله‌چی‌لر
و سن.
دایان
گور سحره
هانسی آتا آساجاق اؤزونو تاواندان
لوستر یئرینه ….

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *