بوگون یکشنبه 29 فروردین 1400 ساعات 14:59
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

من اؤلسم، سن آزاد یاشا!
میرجمال حسینی(اینجیک)

بیر داشین آلتیندا سون سیگارئتین
مینلرجه اومودلا آلیشدیریردی.
آزادلیق دویغوسون، وطن سئوگیسین
اورکده اومودلا باریشدیریردی.

بؤلوردو تورپاغی تمیز ویجدانی
رعیتین کندلی‌نین درد اوداسیندا.
گزیردی دویغوسو مظلوم ائلینین
ظولمده جان وئره‌ن هر اوباسیندا.

سیلیردی گؤزیاشین، هؤروردو ساچین
آتاسی آسیلمیش او یئتیم قیزین.
بیر آنلیق دیکسینیر کولک سسینه،
بوغوندان قوپاریر آسیلمیش بوزون.

چکیب آپاریردی اوره‌یین، هوشون
شاختادا، کولک‌ده آزادلیق سسی.
یئنه خیاللارین ایسیندیریردی
استقلال بایراغی، تبریز هوسی.

بیر داشا سؤیکه‌نیب یورغون دئموکرات
هردن مورگوله‌ییر، هردن آییلیر.
هاچاندیر ووروشور داغ دره‌لرده
ائلینین دردینه مرهم قاییریر.

دیکسیندی فدایی گولله سسیندن
بویادی آل قانی داغلارین قارین.
قارشیدا ایکی بئی، ایکی امنیه
کسدیلر یولونو پاک آرزیلارین.

آستاجا سؤیله‌دی سون نفسینده
من اؤلسم ای یوردوم سن آزاد یاشا!
هله سیگارئتی توستوله‌نیردی
سؤیکندی بوز وورموش او سویوق داشا.

4 پاسخ

  1. سلام اولسون عزیز ایشیق سایتینیین زحمت چکنلرینه,و بیر داها گوزل یازیلاریلا یارالی روحوموزو اوخشایان وطن اغلوموز استاد میر جمال حسینی جنابلارینا,,,نجه ده یاراشمیش سیزه اینجیک لقبی چوخ ساغ اولون استاد…

  2. Bir gun şah damarlarimi kesib-de intihar edeceyem,qanim fişqiracaq,qişqiracaq azerbaycan…
    Son anda avuclayaraq kendi qanimi içeceyem,dadi getmeyecek damağimdan!
    Boşalan damarimdan damla-damla suzulen qanimdan calanacaq toprağim,elim ve men…
    Xoş gorduk olum!
    Xoş gorduk olum !

    Sayin ve hormetli ve el sever ustadimiz:
    Hemeşeki kimi gozel,duyğulandiran ve duşunduren bir şerdir
    Ellerinize saliq ustad

  3. سلاملار و سایغیلار ایشیق سایتینین چالیشانلارینا ساغولون یولونوز دواملی ….
    یاشاسین ملی شاعیریمیز اینجیک . آزادلیق هوسینده یازدیقین شعرینی سئوه سئوه اوخودوم نه گوزل کی وطنینه تعصب اولان ادام هر چاغدا وطنینی یاددان چیخاتماییب و جانینان گئچمه لی اولسادا دییر من اؤلسم ای یوردوم سن آزاد یاشا …اللرینه سالیق جمال بئی بئله دمه لیمکی قلمینله ائلیمیزین دردلرینه مرحمسن ….یاشاسین وطن یاشاسین ائلیمیز

  4. یاشاسین بویوک اینجیک ..اذربایجانین و انسانیتین یولچوسو ..یاشاسین حیاتین دنیزینده داملا داملا دنیزله نن اینجیک و تودقون اورکلرین پنجره سی …دیلکلرینله قووش …حیاتدا ابدی اول …هرزامان دانیشسین قلمین ……
    اوپورام ..
    غلام جلالی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *