هر آن سنینله‌یم
اولدوز

گؤزلرین منه یئتر
سندن باشقا بیر زاد ایسته‌میرم
اوشاق‌یانا معصوم گؤزلرینله باخیب
سئوگی دولو اوره‌یینله منی باغرینا باساندا
بوتون وجودومدا عشق دوغولور
آردیجا
ایچیمده زوغ آتیرسان
تومورجوقلانیرسان
هر نه‌یین باشلانیشی اولان
سن‌له
اللرین‌له
یازا هابئله گؤزلرینین قیامتینه
قوووشورام
ایندی اللریم سنیندیر
سن‌له بیرگه یولا دوشوب
یاشیللاشیب دیرچلنه‌ قدر
سئوگینین زیروه‌سینه یوکسله‌نه کیمی
جانیمدا جان واریکن
الیمی الیندن چکن دئییلم!…