ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

aminسس‌سیزلیک
امین خداویردی

«ویلچئر اوستونده بیر بالاجا دوستوم وار»

قادین سحره کیمی یورولمادان دئیجک
سیقارئت داریخاجاق ارینین بارماقلاری آراسیندا:
دیواردا بیر اوفوق تاپمیشدی سونسوز
ایتمیش آرزولارینا باخیردی
آهلاییردی آرزولارینی.
قیز اوشاغی آناسینین سسینه اویاناجاق
چاغیرمایاجاق کیمسه‌نی
ترپنه بیلمیه‌جک یئریندن:
قارانلیقدا بیر اوفوق تاپمیشدی سونسوز
خسته قوللاری اوفوقلرده اوزوردو…

کمیسه دئمه‌دی سؤزونو یئنه او گئجه
گئجه‌لر سوووشوردو ائله‌جه
ایللردیر مرمر تنینی سوت گولونده یویور قادین
ائوی سوپوررکن…
حاضیرلانیر سحره قده‌ر یورولمادان دئمه‌یه.
اری ایشده سیقارئت چکه بیلمیه‌جک
نه چکدیینی کیمسه‌یه دئمیه‌جک
هله نه قالا سیقارئتینه.
نه وارکی ایکی کلمه دانیشماغا؟
قیز اوشاغی هئچ نه دئمیردی
تکجه گولوردو ترپنمیه جان آتاندا
خسته آیاقلارینی اوغوردو سوت گؤلونده آناسی
کیشی دیواردا بیر اوفوق تاپیردی سونسوز
کی قیز اوشاغی اوزور اوزاق دنیزینده
قادین سحره کیمی یئنه دینمه‌دی!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *