ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

noori
همیشه وارمیش
محمد نوری

من همیشه وارمیشیم
سن گلینجه سو کیمی آخارمیش
همن بالیق
همن دالغا
همن دنیز کیمی
“همن قاییت رضانین شعرینه*
بوغولمادان اؤنجه!”
همیشه گمی کئچر ایچیمدن بیر آدا آختاریشیندا ایکن
گووده‌نه یاخارینجا
سوکانین دؤندریر آباژورلارین داغیلدیغی یئره
همیشه اولارمیش کیمی
سن گئدینجه یوخویا
گؤزومو سنده اونوتدوغوم بیر باخیش قالیر آیینام لامکانلارین یادداشینداکی ائوه
هئی موحتشم پوئتیکالارین سیراسینداکی تن
اونو آنلات تنهالیغین تنتنه‌سینده کی یوخوما کئچن گؤزه‌لین تنینه
کئچ
بو اوتاق سیزین
همن شوشه‌لی ائو
همن تاکسیده کی خییابان
همن آدرس
همن قاپیدان کئچ
همن دؤن شعره….
* رضا نوری’نین شعرینه ایشاره”بوغولمادان اؤنجه قاییت همنه”

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *