اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

masood eslami
اوچ شعیر
مسعود اسلامی‌

(۱)
آلمانین قابیغیندان یوخ
بوداغیندان باشلاندی تیراژیدی
کئشکه بیر سییانور درئیدین
اینتحار ائدئیدیلر بوتون سئوگیلی‌لر
سونرا آیریلیق سونرا، جهننم
سونرا زامان، سونرا توپراق
بیرداها سونرا…
گل یغیشدیر وئردیکلرینی وئرمه‌دیکلریندن
سون قوی بوتون اورک دؤیونتولرینه
گئجه‌نین اوزونلوغو باش آغریسی گتیریر
سو ایچمه‌دن
بیرچکیردک بومباسی آت
باشینی قوی قولوما یات،
یات
یاتالیم …

(۲)
سؤز- سؤزدن یاپیشیب گؤیه چیخدی
شعیر یاغموردان آسلانیب یئره ائندی
ایلک شعیر تانری‌دان باشلاندی
« اقرابسم ربک الذی خلق »
سولارمنی اوخومادان قارانلیق قوووشدو
بوتون یول‌لار قاراووللاندی
کیمسه تانیمادان سؤزلریمه سؤز آتدی سنی!
یازیلاریما یاسا یازدی، یاراسالارینی
سؤزجوک‌لریمه سانجی دولدوردو،
شووونیزمینی
سؤزلرین مسواکینی ایتیره‌رک
سطیرلریمدن ساریمساق آختاردی
هئچ بیلمه‌دی
آیینین چوخ اویونو وار هامیسی یووارلاق
هامیسی مین بیر
قوز آغاجینا چیخماق آغیر بیر ایش
گنج‌لر یورولماز دئیه
گئیینمه گئییم‌لریمی ایچینده ایترسن
گئجه قوشو هیس قوروم قوخویار
گؤیرچین گونش گولو
آلدیغین بو قوش، لَئش قوخویور
سربست بوراخ گئتسین!؟

(۳)
سینیق گوزگوده یام – یاشیل گؤزلرین
گؤزلرینده گؤم – گؤی یاشام بوداق‌لاری
شیپ – شیرین، آجی‌ مئیوه‌لر
دَره بیلدیکلریم‌دیلر، مَنیمکی‌لر
گوزگولر ترله‌ییر فصیللر آردیجیل سوووشور
ان یاشیل یازین پاییز قورخوسو وار
قیش قاشیندیرار یارالارینی
اینسان دئدییین بیر ایچیم آرزی‌دیر
گاهدان دا ایچَنمه‌ییر
ساخلا گنج‌لیییمی
قاییداندا،
ایچریک.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *