اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: حمید آرش آزاد
ترجمه: حمید آرش آزاد
حمید آرش آزاد
00:00
00:00

بو یازی‌نین صوتی نسخه‌سی حاضرلانماییب. بو یازی‌نی اؤز سسینیزله اوخویوب بیزه گؤندره بیلرسینیز.

بیزیم ائوده گله‌رک ائتدین اقامت اوتوز ایل
سن منه، من‌ده سنه، ائیله‌دیک عادت اوتوز ایل
قاش- قاباق ساللاما، آرواد! نه گوناه صاحیبی‌یم؟
ائتمیشم تکجه سنه چوخلو اذیت اوتوز ایل!
اوتوز ایل‌دیر گلیریم اللی اولوب، خرجیم یوز
ائتمیسن دایماً هر شئی‌ده قناعت اوتوز ایل!
بیر چؤره‌ک- پالتاریمیز اولمادی، بیر شادلیغمیز
بیرده کی گؤرمه‌میسن مئیوه، دویو، ات اوتوز ایل
بئله زادلاردان اؤتر انسان اریندن اینجیر؟
گاه گیلئی‌لیک ائله‌یر، گاه‌دا شیکایت اوتوز ایل؟!
گؤزه‌لیم! آجلیغا، چیلپاقلیغا دؤز، چال- اوینا
ائتمیسن، بیرده ائله بوللو محبت اوتوز ایل
بوتون ایش‌لر دوزه‌لر، وعده وئریب مسوول‌لار
گره‌ک آنجاق اولا بیزلرده‌ده طاقت اوتوز ایل
داها بوندان بئله، بیزلر اوتوز ایل‌ده دؤزسک
یاغار اوندان سورا گؤیدن یئره نعمت اوتوز ایل
بیزه دؤولت چوخ اوجوز قیمته بیر ائو وئره‌جک
دؤز بو مسکن وزیری ائتسین عمارت اوتوز ایل
اوتوز ایل سونرا گلر سوفرایا نفتین پولو دا
سونراسی بلکه رفاه‌دا اولا قیسمت اوتوز ایل
وار یادیندا، سنه من ائلچی گلن گونده دئدیم:
«بیزه گل، تا گؤره‌سن بوللو سعادت اوتوز ایل»؟
بوشلا او وعده‌لری، ایندی قولاق وئر سؤزومه
خواهیشیم وار وئره‌سن بنده‌یه مهلت اوتوز ایل
اوتوز ایل‌ده داها دؤز، وعده‌م اگر چیخدی یالان
اوخو اوندان سورادا باعثه لعنت اوتوز ایل
یوخدور «آرش»ده مقام، تک اوتانان بیر اوزو وار
اودوکی احساس ائدیب چوخلو خجالت اوتوز ایل

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

حمید آرش آزاد

حمید آرش آزاد

باشقا اثرلری