اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

riyahifar
حوریّت
میرحسین ریاحی‌فر(سید)

منی یاخیر چوخدان جانان!
سنین دردین، سنین دردین.
گؤزلریمدن تؤکور آل قان
سنین دردین، سنین دردین.

منی دیله سالیب یامان
اوره ییمده ائدیب مکان
منی مندن آلیب اینان
سنین دردین، سنین دردین.

وار- یوخومو الدن آلیب
مجنون ائدیب چؤله سالیب
سانما منسیز یالقیز قالیب
سنین دردین، سنین دردین.

قویمادیلار اوزون گؤرک
اولدون اله گلمز دیلک
یارام اوسته آچار چیچک
سنین دردین، سنین دردین.

دئییم ائشیت گؤزل جانان!
دئییلم من ایلقار پوزان
عزیز منه بیل جانیمدان
سنین دردین، سنین دردین.

سئویلن‌دیر مدنیّت
اونو قورور بشریّت
منه درمان آی حوریّت
سنین دردین، سنین دردین.

شاه یاشاتدی سنی سورگون
ائل گؤرمه‌دی سنی بیر گون
بو«سیّد»ی پوزوب دوزگون
سنین دردین، سنین دردین.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *