اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

mojtaba nahani
سنسیزلیک‌لر (۱۸)
مجتبی نهانی

(۱)
تانیمادیغیم بیر شه‌هرده
تانینمامیش بیر آدام کیمی
آختاریرام سنی
اوزگون یاغیشلار آلتیندا.

(۲)
گونشین آنلامی
گؤرولمه‌ین ایشیغین پاریلتیسی‌دیر-
گؤزلرینین آپ-آچیق گؤیونده.
گؤرمک اوچون
تکجه خییابانا چیخماق گرکیر
هر هانکی بیر شه‌هرده.

(۳)
سسیمده گیزله‌نن
اویناماق گؤیلونه دوشوب
قیز اولور
اوتانیر
اوغلان اولور
آغلاییر.

(۴)
دیرک‌لره میخلانان-
سنسیزلیک‌دیر
گؤرولمور
آما برک آغریدیر.

(۵)
بولودلاری ایچمیشم
گؤیلردن، یئره
آشا-آشا گئتمکده‌یم
آرزولارین باغرین دلمیش
بیر قوشام
بلکه قانادلاریمی اونودموشام…

(۶)
سنسیزلییین آدین-
قیش قویسام
تانری بیله
بیر سؤز دئیه‌مز.

(۷)
قارا-آغ بیر چرچیوه‌ده
قاش-گؤزون اویناسا
رنگ آلار-
سینیق-سالخاق دوشونجه‌لریم.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *