سحر اولدوغوندا…/ ائل‌ایستین فرضی ( ۹ یاشیندا )
چئویرن: ایشیق
ترجمه: ایشیق
ایشیق
00:00
00:00

farzi
سحر اولدوغوندا…
ائل‌ایستین فرضی ( ۹ یاشیندا )

بیر آغاجین اوستونده
یاشیل – یاشیل، یاشیل‌لارین ایچینده،
اوتورموشام،
سحری گوزلورم؛
بلکه سحر اولدوغوندا،
بلکه گونش چیخدیغیندا،
هامی دردلر یوخ اولایدی؛
بازار – بازار دولودور شهر،
هر بازاردا مین‌لر شئی ساتیلیر،
بیری بؤیوک،
بیری کیچیک،
بیر کوچه‌نین ایچینده مین‌لر ائو وار،
هر ائوین ایچینده نئچه آداملار یاشاییر،
گؤی ماوی‌دیر؛
هر بیر تیکه‌سینده قارا و آغ قوشلار یئر توتوب.
نه قدر چکر یاشام؟
بیلمیرم!
بیر ایل
بیر آی
بیر دقیقه
اما بونو بیلیرم کی،
یوز یاشیم اولسا دا، بیر گون اؤله‌جاغام.
۱۱/۱۰/۹۴ ساعت ۱۰ صبح

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

سحر اولدوغوندا…/ ائل‌ایستین فرضی ( ۹ یاشیندا )

ایشیق
www.ishiq.net

آذربایجان ادبیات و اینجه‌صنعت سایتی