ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

panahi
سنه بیر شعر توخوموشام
قاسیم پناهی

سنه بیر شعر توخوموشام
یاز بویالی
چیچک قوخولو…
اینینه آل شعریمی
دویغولاریم تنینه ساریلسین
ساچلاریندا تئل – تئل داغیدیب یالنیزلیغیمی
دوداقلاریندا قونچالانمیش “سئویرم” سؤزجوگون
پای وئر دوداقلاریما
ماویلیگیمه،قیرمیزین جالانسین
جان آلسین
اوره‌گیمین بوزلاقلاریندا دونموش
سئوگی تومورجوقلاری
یاشیللیغینی اوستومه چکیب
اوره‌گیمین نوتلارینی دینله
هاواما کؤکله‌نیب
بیر آز دانس ائت شعریمده
شعریم چوخدان یولونو گؤزله‌ییردی
پنجره‌سیز اوتاغیمین توستولو بوجاغیندا
اونوت بو چاغیندا
پنجره‌نی
توستونو
اوتاغی…
قال شعریمده
د
ا
م
ی
م
گؤزلرینه
لاپدان شعریمی سویونارسان سنسیز قالارام…

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *