ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

noori
پیلانا دوشور هر شئی
محمد نوری

پیلانا دوشور هر شئی
بارماقلاریم پیانو آکوردلارینا آخارسا
شهرین تئلئفون سیم‌لرینده
سس-سیز
بیز
و چوخ شهر
بو اوتاغین پیلانینا دوشر!

سنی سوس- دورموشدوم گئدم
قاپی دالیندا قادیغیم سسین
دوداقلاریندا قزئت و اولای قیرمیزیلیغین قانی آچیلدی،
قاپی باغلاندی-آچیلدی
-یوخ کولک دئییلدی
-دایان دئییم؛
دایاندی
بو اوتاغین هاوا خبرلری
صاباح کی گؤروشمه‌میزه بو شعرین الین آچیر
آلین باغلاییر ایمگه‌لرده

شکلینی بوتون سانال، اله سالان کیمی
دونیا ایچینده کی قاپیلاردا باغلی قالدی
من بوتایدا!
سن اوتایدا!

هانسی موحاریبه پیلانیندا
نازیسم بارماقلاریندا پیانیست دوغولدوغو تاریخم؟
تامارزیلی ائولرین آکوردون توتدوغو نوتام کی
سسین اوتاغین یادداشیندا قالیب
پوزولاجاق
و سنسیزلیگین کارناوال‌لاریلا
شهرین بوش کابین‌لرینده یاریمچیلیق قالاجاق سسیم؟!

پولیس‌لر سئودا آلیشقانلیسیدیلار
یوخلوقلارینین وارماسینا رغمن
شکیل‌لری اوتاقدان چیخاریب
قیرمیزی آخشاملاردا دوداقلارینین نئونلو یازیلارینا بیر آختاریش؛
کیم سنی اوتاغین سسیندن
پیانو نوت‌لارینا یاتیرداجاق؟

مارت آیین مارتی‌لاری لیمانا بویانمیش‌دی
امما اوزاقلاشان قاییق تام فئورال ایدی

دایان!
اینتیحار ایزی‌دیر شعر
اوخونوشلا دوداقلاردا باشلانار مانیفست سیز
و یالنیز اؤلوم
گونش و کولگه نین اریمیش آنی دیر آیاقلاریندا سکی
شهر و آفتوبوس.

قاپی دؤیولدو
آچان اولمایاجاقسا
پولیس‌لر بو شعری چوخ قوشقولو پئرسپئکتیو‌لره چکر
الیندن توتساما
خیابان آیریلار
اوتایدا سن!
بو تایدا من!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *