بوگون سه شنبه 31 فروردین 1400 ساعات 10:58
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

sazag
ایکی قوشما
رقیه عبدیلی(سازاق)

(۱): گلمیر
قیسسا ساچلاریم تک آرزولاریم دا
ایسته‌یینه چاتیب، هورویه گلمیر.
آغینمیش قوزو تک بو قارا باختیم
یاسلانیب داغ داشا، سورویه گلمیر.

موتلولوق آنلاری قورتولمویا کاش،
گئدیرسن قلبیمی تومارلا یاواش!
یاقوت گؤزلرینله کؤنلومه یاناش!
آتدیقین ایکی قاش، اوزویه گلمیر.

بو دوران دولانیر، دولاناجاقدیر،
تاباخدا جادیمیز سولاناجاقدیر،
گئجم بولانیبدیر، بولاناجاقدیر،
باختیمین اولدوزو کورویه گلمیر.

گئجه‌نین بویونا دوشوب خیالین،
آیینی، گونونو اوتوب خیالین،
سانجیسیز آغریدی، توتوب خیالین،
بیر آیدین صاباحدا تورویه گلمیر.

سئویرم گوللرین بم- بیاضینی،
خوشلاییر “سازاق”یم یاورو نازینی،
ایتمه‌سین سوی آدیم، دیندیر سازینی!
ایتسم ده کؤتویوم چورویه گلمیر.

(۲): دونیامی
سنسیزلیگی دونن چکدیم باشیما
آغی تک یاندیریر بو گون دونیامی.
حسرتین غم الی باشیمین اوسته
قوووروب داندیریر بو گون دونیامی.

باش گؤتوروب گئده‌جه‌یم آرادان،
باغرینا گؤزله‌ییر منی یارادان،
تانری اوزاق ساخلا یاری بلادان،
سئوگی اوساندیریر بوگون دونیامی.

عؤمرومو حصر ائتدیم بیر کبین اوسته،
قانیم پینارلاشیب دینیمین اوسته،
اوره‌ییم تیتره‌ییب قینیمین اوسته،
دیلیم‌سه آندیریر بو گون دونیامی.

یوللار منی خسته سالیب اؤزومه،
اوزاقلیق توخویوب شئه‌لر گؤزومه،
یالواریرام یانلیش یاپما سؤزومه،
دؤزوم یوباندیریر بوگون دونیامی.

قوربان پایی کاش اولمویا اوره‌یین،
سن اول تانری، منی یارات مله‌یین!
بوک بوینونو بو یاراماز فله‌یین!
“سازاق” قورلاندیریر بو گون دونیامی.

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *