بو گئجه
پنجرهمیزدن دوشدو آیین یولو
گوموشو ساچلاری
دیب اوتاغیمدا اسدیکده
گؤزلریمده یاکاموز پارلادی
سنه ساریلدیغیم فوتولار
ایچیمده کی آج قوردون ببکلرینده گؤروننده
ایللردیر
ایچیم سنسیزلیگینی اولاییر
سانجیلانمیش کیمی
سوکوت
یوخلوغونون موزیکین
ساکسیفونلا چالیر قولاغیمین دیبینده
شعرلریمین دوداغی اوچوخلاییر
ایکیمیز اوچون دوزنلنمیش اوتاقدا
و خیالیم
هئیدن دوشور
گؤزلرینین ایلغیمیندا
ندنسه کانئکت اولا بیلمهدی
اورهکلریمیز سئوگی پایلاشماغا
ایلک اولاراق
ویبرهیه دوشدو جانیم
آه…
بو آی گئتسه
قارا دولاجاق اوتاغیم
سیبئریانین گئجهلری کیمی
دامو کیمی
و من
سنسیزلیگینه آلیشدیقجا
قار آدامینا چئوریلهجهیم
شعریمین سون میصراع سیندا
چئویرن: ایشیق
ترجمه: ایشیق
ایشیق
- شعر
- یکشنبه ۹ اسفند ۱۳۹۴
- اوخوماق زامانی: < 1 دقیقه
- https://ishiq.net/?p=14972
00:00
00:00
چاپ