اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

sahar xiyavi
غزل
سحر خیاو

یولون چکیب گئده‌ن آن باخمادین دومانلیغیما
خزل- خزل تؤکولوب سوورولان سامانلیغیما
دلی سایاق دئیه‌سن داورانیر بو سنسیز آدام
یامان گولور گؤرورم یاخچیلار یامانلیغیما
کؤنول کوسر همشه سئوگیلیم اومان یئردن
نه دن اسیرگه‌ییسن اللرین اومانلیغیما؟
نه فیرتینالی گزیر سئودالی باشین کاپیتان
قوناق گل آغرین آلیم بیر قوجاق لیمانلیغیما
توتولدو گؤی نفسین توستو پوسگورن هاوادا
بو کؤکسومون یئری یایلاق بویور آمانلیغیما
داریخدیران گئجه‌لر من اومودلویام«سحره»
یقین گلیب چکه‌جک خط بو ناگومانلیغیما
نه معجیزه ائدیب عشقین یئنه غزل یازیرام
قاییتمیشام ائله بیل بیرده من جاوانلیغیما

اشتراک گذاری در print
چاپ

2 پاسخ

  1. سلاملار حؤرمتلی اوخوجو درگاهی جنابی.تشکورلر شعریمی اوخودونوز و تام درین لیک‌ و گؤزللیک سیزین دوشونجه نیزدیر.مینتدارام.

  2. سلاملار
    ایشیق سایتیندا امه یی اولان یازیچیلاریمیزا و استاد شاعیرلریمیزه …
    بعضا آرا سیرا حاقسیزلیق لار اولور دئییرلر غزلین واقتی گئچیب.
    آمما منجه سحرخیاوین بوغزلی بیرکتاب سوزدو انصافا غزلین ادبیاتیمیزدا باشقا یئری وار…

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *