ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

solgun
بیر اورکده دؤیولن آراز
اسماعیل خرمی

گؤزلر تیکیلیب
یاشیللیق‌لارین درینلیگینه،
باخدیقجا
اوزانیر قوشا یوللارلا-
بیر اورکده دؤیولن آراز؛
هر بیر واراغیندا
مینلر اینسانین سرینلیگی
مینلر آرزیلارین یوخوسو
مینلر سئودا آختارانلارین قبیر داشی؛
کیمسه‌نین گؤزونه
قیزیل گولله‌لرین لاله‌لی ناخیشی،
کیمسه‌نین کئچمه‌ین گونلرینین-
تانری‌یا عوصیانی؛
و
کیمسه‌نین گیزلی سئوداسی‌نین-
بیر قوجاق ایزی.

آچیلیر صحیفه‌لر
آرازیمین اینترنت قوطوسوندان؛
گؤزومون بیری کور،
بیری دؤرد گؤرور.
آچیلان کیتابلارین واراقلاری اپریم- اپریم؛
دویولان یاشیللیق‌لار
گؤزلوک آلتیندا پارلاییر.

آرازیمین اوره‌یینده
دویون ویرمیش دانلاقلی قامچی یاراسی!
بئلینده-
شاهلارین تورپاق اوغورلوغونون علامتی.

گؤزومو آچاندا
قیقاجی آرازین قیقاجی یوللاری-
یاراشمیر آرازیمین بویونا، بوخونونا؛
بیر قاپیسی
خانلارین قیلینج اؤپوشدوروب
آت کیشنه‌لریله شاها قالخماقلاری،
بیر قاپیسیندا
مین ایللیک حسرتلره آلیشان
مین اولدوزلو گئجه‌لرین
سینیق اوره‌یی.

آخیر آراز…
یوللاری الینه آلیب
باش گؤتوروب گئدیر آراز.
یوخولاریمی قولتوغونا قویوب
خزره دوغرو قاچیر آراز !

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *