ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

vahid-forutan
ایکی شعر
وحید فروتن

(۱)
بیر گون ده اولسا قدرینی
بیلمه‌یه واخت تاپانمادیم.
اوتانماقدان بیر سئویرم-
دئمه‌یه واخت تاپانمادیم.

پای وئرسه‌لر گونشی ده،
چتین فیکریم ده‌یییشه ده.
لاپ ایتیردیم گولوشو ده،
گولمه‌یه واخت تاپانمادیم.

اوزوموزه گوله- گوله
گونلریمیز دؤنور یئله.
یاشام اوچون اؤله- اؤله
اؤلمه‌یه واخت تاپانمادیم.

(۲)
بیر اوره‌یم شنه حسرت،
مین آرزویام گؤزده قالمیش.
بیر نیسگیلم مین ایللردن
قیریشلاریم اوزده قالمیش.

بیر ایسته‌یم مین کؤنولده،
بیر کؤنولم مین ایستکلی.
بیر اینسانام حاققی یاساق،
بیر شامانام صاف دیلکلی.

هر گئجه‌می کدر باسدی،
هر سحریم اومید گلدی.
چوخ آنامی غم اؤلدوردو،
چوخ اوشاغیم ایگید گلدی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *