اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

tagizade
بولاق
علی تقی‌زاده لاریجان

سؤیله‌دین اورکدن سئویرم سنی
آلقیش او سئوگینه، محبتینه!
سئویندیریر بئله سئویلمک منی
عشقینله دؤزه‌رم هر بیر چتینه.

بیر اوره‌ک منیمچون دؤیونسه دئمک
گرکسیز دئییلم، کارسیز دئییلم.
داها یئرسیز اولار یالقیز سؤیله‌مک
واریم وار, یاریم وار، یارسیز دئییلم.

سن تکی نئچه‌سی سئوسه‌یدی اگر
نئچه قات اولاردی فرحیم یقین.
حیات داها گؤزه‌ل اولمازمی مگر؟
گؤرسن چیچک آچیر طالعین مین- مین؟

اوندا دوشونردیم سهویم آز اولوب
اوغورلو بیر عؤمور یاشاییرمیشام.
هر بیر اوغورومدان حالیم ساز اولوب
ذیروه‌لره دوغرو جان آتیرمیشام.

بوتون تانیانلار منی سئوسه‌لر
سرحدلری پوزار سئوگیم، دوشونجه‌م.
دوغرو معناسیندا اینسان دئسه‌لر
ایناننام ایاق- باش عشقم، سوینجم.

بیر بولاق اولارام لاپ آند ایچمه‌لی
شیرین ناغیللاردا وصف اولدوغو تک.
مندن سیراب اولار عاغیللی دلی
دوشمنه ده گره‌ک، دوستادا گره‌ک.

پیسلرین پیسی‌ده اونو پیسله‌مز
گؤزه‌ل یاراشیقدی عؤمره، وارلیغا.
هامیلار باش اییر ایستر- ایسته‌مز
او عولوی مقاما، او آخارلیغا.

هارا چاتماق اولار بیرسؤیله منه
اینسان مرتبه‌سین ندن اونودور؟
منی سئویرسنسه عشق اولسون سنه!
سئومگ اینسالیغین ایلک آددیمی‌دیر.
کرج ۱۳۹۳ قیش

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *