(۱)
زاماندا
آددیملاییرام،
آن‌لاری
یاشاییرام
بیر بیرینین آردینجا.
سنی گؤرمک هوسی-
ائله اوینادیر آن‌لاری ایچیمده
سانکی ایللردیر
اود گلینی‌یم !
(۲)
یالقیزلیغیمی
شکیلینده واراقلاییرام.
ائویمین سس‌سیزلیگی
گولوشونده پوزولور!
(۳)
کؤلگن-
گونش کیمی شاخیر اوستومه؛
کئچیرم گونشدن
آنجاق
سن کئچمه مندن
سئوگیلیم!
(۴)
بو گئجه
نه گؤزلدیر رؤیالاریم
آتش بؤجه‌ییله یولداشدیر؛
بلکه
آزاد ائده آوارا روحومو؛
بیلدیره‌رم سنه سحر آچیلدیقدا.
(۵)
گئت – گئده اینانیرام
سوسغونلار دیارینا
دالبادال چاغیریلدیغیمدا
یامان یاراشیر-
کدر کوینه‌یی اینیمه!
