بیر آز دایان چیلله‌گئجه‌سی
حیدر عبادی«باریش»

بیر آز دایان
بیر آز یوبان
چیلله گئجه‌سی
سؤنمه‌سین چیراغلار
رئکلاملارین رنگی چیخیشلاری
پوزولماسین توکانلارین دئکورو !
دایان
یوخسول اوشاقلارین حربص گؤزلری
چکیلمه یب بزکلی توکانلارین شوشه‌لریندن !
دایان
قارپوزلارا دویونجا باخسینلار
دایان
نار دنه‌لرین گؤزلرینه سیخسینلار
سورسونلار باخیشلاریندا !
دایان
دایان
ائله بوردا دایان
تبریک ائدیرلر باش باکانلار،
اوزون عومور دیله‌ییرلر.
دایان
گؤر
سحرینده
هانسی آتا آساجاق اؤزونو تاواندان-
لوستر یئرینه……