بوگون چهارشنبه 25 فروردین 1400 ساعات 17:39
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

ای مقدس مسکنیم، ای شانلی آذربایجان!
بیز سنینله فخر قیللیق یئر اوزونده هر زامان.
قوی وار اولسون ای وطن، اصلان صفت اوغلانلارین!
اؤپسون آلنیندان آنا! اونلار سنین، سن اونلارین.

***
baxtiyar nusrat

عؤمرونده بیر کره گولمه‌ین اوزو،
همیشه یورغونلوق چکن بولبولوم.
فرهاد تک خالقی‌نین آیدین یولوندا
عشقین آل شربتین ایچن بولبولوم.

اله‌نیب باشینا داغلارین قاری،
دؤنوبدور پاییزا بارلی باهاری،
اگیلمز داغ تکین اوجا ووقاری
یادلارین الینده خرد اولوب، گئدیب،
گوللرین خزاندا یاندیریب گئدیب.

اؤلکه‌میز شهیدلر وئرندن بری،
ایگیدلر الیمدن گئدندن بری،
قهرمان عمی‌اوغلو اؤلندن بری
میللتین غیرتی اؤلدورور منی،
بیر بئله لووقالیق یاندیریر منی.

ائلیمین دیلینی دوشمان باغلاییر،
اوغولسوز آناتک کؤنلوم آغلاییر،
یازدیغیم اینجی‌لر اوره‌ک داغلاییر،
دوشمانا غلبه چالینسین گره‌ک!
یوردومدان اجنبی آرینسین گره‌ک!.

من اذر شعرینین «بختیار»ییام،
آذربایجانیمیزین بیر ووقارییام،
سوسنلی- سونبوللو نوباهارییام،
یادلارا ساتمارام آنا دیلیمی،
الدن بوراخمارام اوستون ائلیمی.
۱۲/۸/۱۳۵۶

 

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *