ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

ishiq15
گئتمه
میربهرام رستمی(خانلار)

مرحمت ائیله دایان گؤزلری جئیران گئتمه
اولموشام آهو باخیشلی گؤزه حئیران گئتمه
یوخدو بیرشخص منیم‌تک سنه مشتاق اولسون
رحم قیل دیده‌م اولوب قانیله الوان گئتمه
قالمیشام غم دنیزینده منه بیر یوخدو کؤمک
اولدی باخدیقجا رقیبیم منه خندان گئتمه
قُوی قدم نازیله بو گؤزلریم اوسته گؤزه‌لیم
نه یه لازیمدی بو گؤزلر،سنه قوربان گئتمه
آچ اوزون قوی ایشیغی جانی ایشیقلاندیرسین
ائیله‌مه گون  اوزونی عاشیقه پنهان گئتمه
جاندان آرتیق سئویرم من سنی ای نازلی صنم
نه اولار بیر گئجه لیک اول منه مهمان گئتمه
قویمادین کامه چاتام لعل لبین شهدیندن
قوی باخیم قامتینه یوسف کنعان گئتمه
“خانلا”رام طعنه‌ی بیگانه منی درده سالیب
سن ائله بیر باخیشینلا منی درمان گئتمه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *