ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

ilham qahraman
مکتوب
ایلهام قهرمان

 سن گئدیب قاییتمادین، من اؤلدوم، اؤلومدن قاییتدیم
اؤلسم جانیم قورتارمیشدی، سنین الیندن قاییتدیم
نییه بیر صدان گلمه‌دی، من ده صدانی قایتاریم
ائشیتدیم ناخوشلامیسان، گلیم قادانی قایتاریم
لاله باغری تک سینمده سئوگیمیزین یئری گئتدی
گلیب باش چکمه‌دین ظالیم، بو ایل یامان گئری گئتدیم
منه ده قییدیلار گولوم، بولبوله بیچاق چکنلر
دهنه دن سویو دؤندریب، چمندن چیچک چکنلر.
یازا چیخان سال بوز کیمی اریین جان درده یئمدی
ایچیم خارابایا دؤنوب، ایچیمین بایقوشو کمدی
منی هارا آپارمیسان؟ هله ده بیله بیلمیرم
سئوگیده ائله آزمیشام اؤزومه گله بیلمیرم
آلله دئیندن دئمیردین، سن اوندا یامان ظالیمدین
منی مندن کیم آلاردی؟! من سندن اوجوز آلیندیم
عاشیقه سنی سئومکدن دونیادا اوستون نه گلر؟!
او گول صیفتینی گؤرسم، صیفتیم اوستومه گلر
من من اولوم، سن ده سن اول، هر گون آغلات، کیریت منی
عالمه مؤعجیزه گؤستر گاه اؤلدور، گاه دیریلت منی!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *