اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

ali javad
آخشام چاغی اؤله
نین کؤلگهسی مزارا  سیغماز
علی جوادپور

ایچینین قارانلیغی‌دیر بلکه‌ده
یانینا دوشوب سورونن کؤلگه،
جانینا ایلیشیب سورونن کؤلگه !
سن، یئرییَرسن گونشه دوغرو
او، کوره‌یینجه سورونر.
گونش سولوندان چیخار ،
او، ساغیندا گورونر.
گونش ساغیندان چیخار
او، سولوندا گورونر
هارا گئتمک ایسته‌سن،
او، یولوندا گورونر!
الی یاخاندان اوزولمز!
اؤزونو آپاریب چیخارارسان گونون گون اورتاسینا
گونش باشیندان شاخار
او، یئنه‌ده
آیاغینین آلتینا سیخیلار!
قارانلیقلا- ایشیغین آراسیندا قالارسان،
بیر آز ایشیقلانارسان بیر آزدا  قارالارسان.
بیر آزدا قارالارسان داماریندا  قانین کیمی
بیر آزدا  قارالارسان عصرین – زامانین کیمی.
ایچینی آجیغین داریشیب یییَر!
اؤلرسن‌کی،
اینتیحار ائدرسن‌کی؛
پوزولسون ایشیقلا – قارانلیغین سینیری…
آنجاق،کؤلگه‌نی سندن اؤنجه باسدیرماق ایسته‌ین‌لر
سنه گوج‌لری دوشر
سنی باسدیرارلار،  کؤلگه‌نه گوجلری دوشمز.
آخشام چاغی اؤله‌نین کؤلگه‌سی مزارا سیغماز
کؤلگه‌سی باسدیریلماز!
سن تورپاغا گؤمولرسن؛
کؤلگه‌ن یئر اوزونده قالار
گونشله اوز- اوزه یاشار
کؤلگه‌لره قوشولار، قارانلیق آشیب داشار.
سن اؤلوب گئده‌رسن….
دونیا دا؛  «قارانلیق» یاشار،  «ایشیق» یاشار
دونیا اؤنجه قارانلیق‌لاشار  سونرا  ایشیق‌لاشار!…

اشتراک گذاری در print
چاپ

3 پاسخ

  1. سلام،آدنین وادبی هونرینین بویوکلوقوائل اوبانی بوروین بیرشاعیردن آنجاق هابله دویغو دولوشعرلری گورمک اولار.گوزل فیکرینیزه وقلمینیزه ساغلیق.
    بله گونشین اوزوله ن چاغی آرزی وایسته کله رینه چاتمادان اول اولنین کولگه سی اوقه در بویوکدورکی اونون ایاقی قبیر دیبینده اولسادا باشی گون چخاندا گونش اوجاغین کوزمه سین دئشرتاکی آیری بیر ایشقلی گونشی آیاتسین وتامام قارانلیقلاری آرادان گوتورسون.(اوکولگه مزارا سغماز،اوکولگه گوره مینی اتمه دن فنایه چونمز)۰

  2. آ کیشی سنین الینه اوریینه ساغلیق، یئنه سسینی دویدوم نفسیم تزه لندی خدافرین تبریزلشدی بیر آزدا.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *