وئجه گلمز
ح. هریزلی
هرعشقده کی اولدو تمننا وئجه گلمز
گر اهل تمننا اولا لئیلا وئجه گلمز
عشقین اودو عاشیقلری یاندیرماق اوچوندور
بیر آزجا قیزینماق یا تماشا، وئجه گلمز
گلسن بو یولا آل جانینی اووجونا، یوخسا
جانانا گؤره جان عزیز اولسا وئجه گلمز
مئیخانه یولون باغلی گؤزایله گئده‌ر عاشیق
معبددی بو، مسجدی، کلیسا، وئجه گلمز
طوفانلی‌دی، عصیانلی‌دی، وولکانلی‌دی بو یول
گر عافیت ائتسنده مهییا وئجه گلمز
هر باده کی ساغلیق وئریسن بیل بو مرامدا
صدق ایله اونو ایچمه‌سن، حاشا! وئجه گلمز
عشقیله هوس فرقلی‌دیر گؤزله «هریزلی»
گؤز یاندیریجی توستو اولار ها! وئجه گلمز
