قو قوشو
ایلهام قهرمان
دئییر، قو قوشلاری آمانسیز سئویر،
منی بو سئوگی‌نین باشینا دؤندر،
منی بو سئوگی‌نین باشینا چئویر،
آغلاما، قو قوشو!
شرط او دئییلدی کی، منه گله‌سن،
شرط او دئییلدی کی، منیم اولاسان،
من نه بیلیم آخی سن منی سئویب،
سن اؤزون اؤزونه قنیم اولاسان.
آغلاما، قو قوشو!
او نه سسدی ائله عاصی دوشموسن،
یئنه می دونیایلا داعوا قورموسان؟!
منیم اوره‌گیمین ساغ یئری یوخدو،
سن نئجه اورادا یووا قورموسان؟!
آغلاما، قو قوشو!
دونیادا هر شئیدن اؤته‌دی سئوگی،
نه اولسون ائو دئییل بوتادی سئوگی،
منه بو یاشیمدا خاطادی سئوگی،
آغلاما، قو قوشو!
بیلمیردیم قو قوشو آمانسیز سئویر،
منی بو سئوگی‌نین باشینا دؤندر،
منی بو سئوگی‌نین باشینا چئویر،
آغلاما، قو قوشو…!
