چئویرن: ایشیق
ترجمه: ایشیق
ایشیق

heydar ebadi
گؤزلریم
حیدر عبادی

گؤزلریمده شعیر
گؤزلریمده میصرع- میصرع  یول ایزی
گؤزلریمین رنگی قیرمیزی
سن گؤزلریمدن اوخو هر نه‌یی
شعری، غزلی
سئوینجی، کدری
سوکوتو، هارایی
دیلیمدن سؤزجوک اومما!!!
دیلیم باشقا  دیللر کیمی دئییل کی
سربست؛
یوخ
دیلیم آغزیمدا لال بالیق
کار بالیق؛
بیلیرسن کی
بوتون لال‌لار  کار دوغولور آنادان.

آه آه آه
کیمه شعیر یازیرام
کیمه شعیر اوخورام
اؤنومده هامی  لال، هامی کار
بوش وئر قاداسی
گؤزلریمه دال
قورخما گؤزلریمین درینلیینه دوش
اوردادیر
یازیلمامیش شعیرلریم
اوخونمامبش شعیرلریم
سئودیکلریم، سئوینجلریم
کدرلریم، غملریم
قورخما
دونیا سیغینیر گؤزلریمه
سن ده گؤزلریمه دول!

دونیانی دولان
سربست شعیر اوخو
ساز چال گؤزلریمده
رقص ائت
و دوشون
من بوتون شعیرلریمی
سنین گؤزلریندن اوغورلامیشام
سنین گؤزلریندن
قاداسی!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

گؤزلریم / حیدر عبادی

ایشیق
www.ishiq.net

آذربایجان ادبیات و اینجه‌صنعت سایتی

گؤزلریم / حیدر عبادی

ایشیق
www.ishiq.net

آذربایجان ادبیات و اینجه‌صنعت سایتی

گؤزلریم / حیدر عبادی

ایشیق
www.ishiq.net

آذربایجان ادبیات و اینجه‌صنعت سایتی