ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

goja
آزالمادی
قوجا موغانلی

آغریلا ر- آجیلار ایچیمی اویدو
اریتدی، دوغرادی اؤود آزالمادی!
دولاندی هفته‌لر، دولاندی آیلار
ایللر باشا چاتدی درد آزالمادی!

بو ایللر خیش سالدی قاشیمین اوسته
ایلدیـریم کیشنه‌دی باشیمیـن اوستـه
سئللر داشلاندیسا داشیمین اوسته
اودلار اوجاغیندان اود آزالمادی!

هر اؤتن بیر قوناق، دوغما خان اولدو
سوفره‌مین باشیندا اَت – قانا دولدو
سونرا قان اوتدوروب، واریمی بؤلدو
اوگئی آزالمادی، یاد آزالمادی!

قوهوم گوز یومدوسا، گؤز تیکدی یاغی
آیـری‌سا…!؟ شـافاقلـی باتی‌لا – دوغــو
سینیرلار بؤلورسه سول ایله، ساغــی
کؤنول خریطه‌مده یورد آزالمادی!

نه یاخشی! وورغونو واردیر تورپاغین
حدودسوز دنیـزیـن، اورمانیـن، داغیـن
ابـدی دالغـالـی وطــن بـایـراغیـن
گؤیلره اوجالدان مرد آزالمادی!

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *