چئویرن: ایشیق
ترجمه: ایشیق
ایشیق

hasan ildirim
یالقیزلیق
حسن ایلدیریم

باخدیق
باخدیق
یالقیزلیغین یاری قارانلیق پنجره‌سیندن :
گؤیلر توتقون
هاوا زوققوم
گؤرونوش آلاتورانلیق .

باغلادیق اوزوموزه یاری قارانلیق پنجره‌لری .
اوچوب تؤکولدوک ایچیمیزه
خارابا  داملار کیمی .
آغنادی جانیمیزا توزلو قارانلیق
اوچغون‌لارین آلتیندان
توزلو خاطیره‌لر قالخیب دولوخسوندولار.
شیغییب چاخناشان  قیسیر بولوتلار
یاغماز اولدو .
باخدیق
باخدیق ایچیمیزه :
اوره‌کلر اپریمیش
ایستک‌لر قارتیمیش
گؤرونوش
اؤلومه بنزه‌ین قارانلیق بوشلوق!

باغیردیق
باغیردیق قارانلیق دالانلاردا
قارانلیغا آلیشیدیق
سویودوق
سوسدوق
گونلرین یالقیز قارانلیغیندا
توموب قالدیق
قارا داشلار کیمی !

تهران  ۱۳۷۵

 

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یالقیزلیق / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

یالقیزلیق / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

یالقیزلیق / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی