اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

tagizade-122x150
داغلار
علی تقی‌زاده لاریجان

گاه دؤیوش میدانی قوچ ایگیدلرین
گاهدا  دامی، داشی بو داغلار اولوب.
یئرسیز قازانماییب خالقین حؤرمتین
داغلارلا یاناشی بو داغلار اولوب.

یولونا یولچویام بیرعؤموردی من
یوللار یورولاجاق من یوخ دئیه‌سن.
نه کاسیب اولاردین داغسیز ای وطن!
ثروتینین باشی بو داغلار اولوب.

سؤیله نه دردین وار امین اول امین
کیمسه‌یه آچماییب سیررین هئچ کیمین
اوزومننده گیزلتملی سیرریمین
صمیمی سیرداشی بو داغلار اولوب.

سئوگیلی جانانه یئتیرمک اوچون
خیالدا هیجرینی بیتیرمک اوچون
اوره‌ک سیخینتیمی ایتیرمک اوچون
باغریمین باداشی بو داغلار اولوب.

داریخاندا چیچه‌یینی در‌مه‌یه-
جئیرانینی، جویورونو گؤرمه‌یه –
سرین چشمه‌سینه سالام وئرمه‌یه –
گؤزومده گؤز یاشی بو داغلار اولوب.

کوراوغلوسو چنلی بئلده بوی آتیب
کرم لله‌سی‌له قارینا باتیب
فرهاد سینه‌سینده ابدی یاتیب
گاه اوستا، گاه ناشی بو داغلار اولوب.

زیروه‌سی دومانسیز، قارسیز اولماسین
بولاغلاری سویا حسرت قالماسین
بو قوجا شاعیری گؤزدن سالماسین
اونوندا یولداشی بو داغلار اولوب.
کرج ۱۳۹۲ یای

 

 

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *