بایاتیلار… ارمو گؤلو
چئویرن: حمید آرش آزاد
ترجمه: حمید آرش آزاد
حمید آرش آزاد
00:00
00:00

یاخچال‌لار بوزلو اولار
گؤی‌لر اولدوزلو اولار
«اورمو» گؤلو قوروسا
اؤلکه‌میز دوزلو اولار!

قوربانینام اوستاندار
سولار اولورو بُخار
علاج اودور قوراسان
اللی – آلتمیش سمینار!

گل بیر تدبیر گؤتورک
بو گؤله سو یئتیرک
باشماق، قالی، کاغیذ تک
چین‌دن سودا گتیره‌ک!

قوراقلیق آتیب اوخو
قورودور واری- یوخو
عزیز مسؤول‌لاری‌دا
آپاریب شیرین یوخو!

قونشودور ایکی اوستان
بیری لعل، بیری مرجان
مسؤول‌لاری چالیشسا
بو گؤل اولار نمکدان!

کئچدی قیش، گلدی باهار
داها بس‌دیر انتظار
مودیرلر ساغلیغینا
بوردا بیر «کویر»‌ده وار!

نه گره‌ک غمه دولماق؟
غصه‌دن، درددن سولماق؟
بلکه مسؤول‌لار دئییر:
«یاخشی‌دیر دوزلو اولماق؟!»

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

بایاتیلار… ارمو گؤلو

حمید آرش آزاد
www.ishiq.net

آذربایجان ادبیات و اینجه‌صنعت سایتی