چئویرن: ایشیق
ترجمه: ایشیق
ایشیق
00:00
00:00


تبریزیم!
مسعود آذر

ای منیم وطنیم، سئوگی شه‌هریم
هیجرینده اوره‌ییم یانار، تبریزیم!
سنده‌دیر گونشیم، آیدین سحریم
اولماییم قوینوندان کنار، تبریزیم!

شعریمین چلنگی طراوتی‌سن،
عشقیمین کعبه‌سی، علویتی‌سن،
قلبیمین ابدی پاک نیتی‌سن،
سنینله قیزماسا دونار، تبریزیم!

اسیر شمال یئلی یار عطری گلیر،
سئوگینین نغمه‌سین کؤنلومه الیر
باشیمین اوستونده گونش یوکسلیر،
نور ساچیر عؤمرومه بو نار، تبریزیم!

ایللردیر دوشموشم سندن آرالی،
هیجرینده اوره‌ییم اولموش یارالی،
نه واخت‌دیر سسله‌ییر تبریز مارالی
اوره‌ییم آن با آن آنار، تبریزیم!

یاشیل باش سونامسان اوچما گؤلومدن،
الیم اوزولمه‌سین دوغما ائلیمدن،
نه‌دن آیری قالیم اؤز سئوگیلیمدن
اوزانسا بو حسرت قینار، تبریزیم!

آرزولار بوی آتیب گؤیه اوجالیر،
کؤنلومده یول آچیب جیغیرلار سالیر،
ووصال اومیدلریم تک سنه قالیر
آنا محبتلی چینار تبریزیم!

الین قوی الیمه، های وئر هاییما،
امرینه حاضیرام، اوخ قوی یاییما،
گلیرسن ایندی گل، گلمه واییما،
گلمه‌سن اوره‌ییم سینار، تبریزیم!
۱۵/۳/۷۰

 

 

چاپ

دیدگاهتان را بنویسید

نشانی ایمیل شما منتشر نخواهد شد.

تبریزیم! / مسعود آذر

ایشیق
www.ishiq.net

آذربایجان ادبیات و اینجه‌صنعت سایتی

تبریزیم! / مسعود آذر

ایشیق
www.ishiq.net

آذربایجان ادبیات و اینجه‌صنعت سایتی

تبریزیم! / مسعود آذر

ایشیق
www.ishiq.net

آذربایجان ادبیات و اینجه‌صنعت سایتی