اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

kiyan xiyavi
گؤرورسنمی؟
کیان خیاو

گؤرورسنمی؟
منده یالقیز بیر جسد کیمی اوزانیرکن عشق
گؤزلریمده اویویان سن
بولودلاردان یاغیش قاپان گیله‌لر ده!
ساچلاریمدا آغاران سن
یازیمدا بلیرلنمه‌میش قیش مؤوسومو ده!
تانیش بویام
دوغما قوخوم
سازاقدان برکیمیش تورپاغیم سنین
اللریمده‌کی بارماقلار
او نه‌سه یازاراق گرگین، گولومسر!
و کرتیمیزده‌کی به‌به‌نکلر سنین
آی سنی، او عارلانماز سنی نه دئییم ؟!…
قوجاغیمین درینلییینه سیغینان سن کی سن
بیر داش اولدوز کیمی گؤی اوزونده
بیر پاندا اویونجاغی تک
بیر اوشاغین قوینوندا!…
دویورسانمی؟
ایللر اولدو یورقونلوغوم
ظالیم یوخو گؤزلریمه گلمیر کی گلمیر
و اؤلوم
کؤنلومون باشینا چؤکموش قوتازلی بیر ده‌وه‌دیر
کؤکسونده‌کی تپه‌جیکلر بویوندا، بویوتوندا!…
ایللردیر یاتا بیلمیرم گئجه‌لر
گؤزلرینه تاپشیر بیر آن یومولسون!
گونون گون‌اورتا چاغیندا
قورخونج کابوسلار نه‌دیر، بیل!
بیل کی سئومک، سنی سئومک
آلنیما یازدیغیم ان آغیر یازیدیر اوخوناق اولمایان!…
سن آرتیق اؤز اؤزونو ده اوخویا بیلمه‌ین سن
منده اؤزونو سئودیره- سئودیره بؤیودورسن
یاشلادیرسان، قوجالدیرسان
اویسا من هئچ ده‌ییشمه‌دیم
اوشاقجاسینا سئودیم سئویرم سنی سئوه‌رک
سیغدیراراق سنی پاندا اویونجاغی قوجاغینا!…
بؤیوک بیر گرگینلیکده‌یم
یئددی قاتیما اؤزونو یورودور بیر یادلیق، بیر یابانجیلیق
بیر نشئه، بیر آه، بیر گولوش، بیر نشئه
بیر نشئه، بیر آه، بیر آغلاییش، بیر نشئه!…
گولدورمک ایسته‌ییرسنسه بیر آز گول
آغلاتماق ایسته‌ییرسنسه بیر آز آغلا
و بیر آنلیق منی دانیشدیر، نه اولور
دئمه‌یه سؤزوم یوخدور کی
بیر جوت قولایجا گؤزوم وار
بیر جوت قولایجا قولاغیم باییلماغا.
بیر آنلیق منی دانیشدیر
سوساجاغام
داریخما!…
گؤرورسنمی؟
منده یالقیز بیر جسد کیمی چوروسه ده عشق
گؤزلریمده اویانان سن
گؤی اوزو سویوق ماوی‌یکن ایشاران سن
و اؤنوندن سوروکله‌نیب گئدن بیر بولود من کی
آی منی، بو عارلانماز منی نه دئییم؟!…

بهمن آیی ۱۳۹۲ (۲۰۱۴)

 

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *