بیز مدرن چکیریک دردلریمیزی
سپیده رسولی
من تکجه دوغوم گونومده دوغولمادیم آنا
تکجه مزاریمین اوستونده یازیلاجاق اؤلوم گونومده، اؤلمه‌یه‌جم
مینلرجه دوغوم گونو وار ایچیمده
مینلرجه اؤلوم گونو
آی ی ی ی ی ی ی آنا
بیز مدرن چکیریک دردلریمیزی!
بیز آیریلامادیق رؤیالاریمیزدان
و رئال، جان قیزدیرمیر هئچ
آه بیز مدرن چکیریک دردلریمیزی
گولومسه‌لی پروفایل شکیللر پایلاشیریق فیسبوک‌دا، تلگرام‌دا، اینستاگرام‌دا
و بوتون گرامچی‌لار، لایکالیرلار
بیز مدرن چکیریک دردلریمیزی
آغلایانیمیز یوخ
دینله‌یه‌نیمیز یوخ
اؤپه‌نیمیز یوخ
کؤنلون ایسته‌دییین قده‌ر تبریک یازانیمیز وار دوغوم گونوموزده.
8 پاسخ
بیز مدرن چکیریک دردلریمیزی!
هاریکا …چوخ سئودیم
عزیز یازارلار <> سیاستی ایله نه درد قالیب نه درد چکن.زامانین آتی دورد ناللی چاپیر.هله بیزیم ائششه ییمیزین قیچی آخساق.سیچانلار توپلوموندا ، ایپ سالماق بللی دی.پیشیک باشینا ایپ سالان گرگ.ساغ اولون.
عزیز یعقوب نامی جنابلاری، بویوک حورمتیم وار، گؤزل سیزین باخیشینیز دی.
حورمتلی وحید فروتن جنابلاری، چوخ ساغ اولون، سونسوز سایغیلار
مین یاشایین حورمتلی سپیده خانم رسولی.اولدوقجا گؤزل و اورک اوخشایان بیر شعر.
ساغولون سپیده خانم دوغوردانداافراسییابین دئدییی تام شعرینیزه گؤره دیر. الینیزه ساغلیق.
عزیز افراسیاب نورالهی جنابلاری، چوخ سئوینیرم بونا، وار اولون، گؤزل اوره یینیزه ساغلیک
اولدوقجا گؤزه ل، اولدوقجا صمیمی و عینی حالدا جسارتلی…