۸ اردیبهشت؛ سایه‌نین اوچوشو….
کیفم بوی زندگی می‌دهد (۳)
سایه مقدسی
چئویرن: گولناز
ترجمه: گولناز
گولناز
00:00
00:00

(۱)
اؤزون کیمی
مهربان و سئویملی‌دیر خاطیرن.
نییه کی
یالنیزلیق چوبانی‌نین اوجاغ عطری کیمی
هر گون
اوره‌ییمین بوش دوزنلیگینده دولاشیر
و تنها قویمور منی.

(۲)
سورگون ائدیبلر ایچیمه قارانلیقی؛
آنجاق من،
تانری‌نین هر گونو
قورتوم – قورتوم چکیرم باشیما گونشی؛
قارانلیق  کئچه‌جک
نییه کی
تانری دا سئومیر اونو.

(۳)
او گون کی
آددیملارینین موسیقیسی
اوره‌ییمین کوچه‌سینده دولاشا
قاچاجاغام
آغری‌نین و یورغونلوغون الیندن…
قاچاجاغام سنین باشماقلارینلا…
سنین ایاقلارینلا…
سنینله…

(۴)
ساچ تئل‌لری یولدادیرلار
گئج یا تئز گله‌جکدیلر؛
داریخما
منیم کیچیک آینام!

(۵)
“داغ داغا چاتماز …”  سؤزونو ائشیدنده
قه‌هر بوغور اؤزومو،
قورخورام
قورخورام
اؤز قوجاقلاریندا قووشدورالار داغلاری بیربیرینه
گون‌لر و آی‌لار،
آنجاق
سنینله من
بیر داغین آرخاسیندا خاطیره‌یه چئوریلک.

(۶)
گلمه‌سن
کدردن یاغاجاغام
گلسن
سئوینجدن…
گل کی
گؤیلرجه گؤی قورشاغی توخویوم سنه.

(۷)
آیلارجا یورغونلوق و دیدرگین‌لیکدن سونرا
آچیرام مکتب چانتامین آغزینی
میدادیم، قلمیم
بیر آز خیردا پول
گونده‌لیک یادداشت دفتریم…
ائو کلیدی له
یوز قیسا قیسا ناغیل کتابی‌نین آراسیندا
سهراب و فروغین شکیلی…
سانکی
بیر عطیر شوشه‌سی سینیبدیر،
چانتام
حیات عطری وئریر.

(۸)
یورغونلوق گونلری…
دیدرگین‌لیک گونلری…
گؤز ایشله‌دیکجه
ایچیمده دالغالانیر آجی بیر تنهالیق،
من
اورمو گؤلویم!

(۹)
چایین گوزگوسوندن اوزومه گولن
اوشاقلیق خیالیملا
شکیل چکدیرمک ایسته‌ییرم.
دبرمه‌دن
سو آپاریر شکلیمی!
چای آشاغی قاچیرام
ماوی لئچک اوجا بوی بیر قیز
حیرتله منه باخیر.
اوشاقلیغیمی سو آپاریب اؤزویله.

(۱۰)
بوگون
رقص ائتدی منیم اوچون آنام
گؤزه‌ل و مهربانجاسینا!
و منی سئویندیرمک اوچون
بوتون باجاریغینی ایشلتدی
بوغازیندا گیزلنمیش قه‌هرله
و گیزلنمه‌یه یئر تاپمایان گؤز یاشی‌لا.
یاشیل گؤزلری
شیمال بؤلگه‌سینین زینه یاغیشیندا ایشیلدایان-
بیر مئشه گؤرونوشونه چئوریلدی!

سایه مقدسی
سوسن امینی | ترجمه: 
سوسن امینی | چئویرن: 
گولناز
سوسن امینی | ترجمه: 
سوسن امینی | چئویرن: 
گولناز
سوسن امینی | ترجمه: 
سوسن امینی | چئویرن: 
گولناز
سوسن امینی | ترجمه: 
سوسن امینی | چئویرن: 
گولناز
اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری
۸ اردیبهشت؛ سایه‌نین اوچوشو….

کیفم بوی زندگی می‌دهد (۳)

گولناز
www.ishiq.net

آذربایجان ادبیات و اینجه‌صنعت سایتی