ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

eloglu
قورخو
صدیار وظیفه(ائل اوغلو)

 مئشه‌نین‌ ایچینده‌ پیچیلداییردی‌
او دا، اؤز قلبینین‌ ایستک‌لریله‌.
یارپاغین‌ سسینه‌ دؤزه‌ بیلمه‌ین‌
قیشقیریق‌ سالیردی‌ دیلک‌لریله‌.

من‌ نییه‌ قوشولدوم‌، نییه‌ قوشولدوم‌
بو قانلی‌ دؤیوشه‌، موباریزه‌یه‌؟!
آلیب‌ جایناغیمدا گزدیرم‌ گره‌ک‌
اوزگه‌نین‌ یوکونو آخی‌ من‌ نییه؟‌!

خیانت‌؛ خیانت‌ گئچدی‌ باشیندان‌
قارانلیق‌ ماغارا تیکیلدی‌ گؤزو.
گودوکچو قویموشدو اونو بیر باشچیل‌
گودوکچو، قوردا دا دؤنرمیش‌ دوزو.

بیر باخدی‌ ماغارا، بیرده‌ مئشه‌یه‌
ماغاردا یاتمیشدی‌ نئچه‌ دؤیوشچو.
ایتیلدی‌ بئینینده‌ او چاغدان‌ بری‌
خیانت‌ اولگوجو ، خیففت‌ اولگوجو.

قوشولدو کؤنلونده‌ یادا، اؤزگه‌یه‌
حقیقت‌ اوردوسون‌ او گؤده‌ ـ گوده.‌
مئشه‌یه‌ باخیردی‌، مئشه‌دن‌ ایراق‌
کوللاردا تولکولر اولاشیردیلار.
آنجاق‌ او بیلمه‌دی‌، ائله‌ مئشه‌نین‌
تولکوسو واردیرسا آصلانی‌دا وار.
او بئله‌ دوشوندو، او بئله‌ دویدو
حیاتین‌ یانلیشی‌، تؤوبه‌سی‌ده‌، وار.

اونون‌ دیزلرینده‌ سوسدو ایراده‌،
قورخولو قلبینده‌ دوغدو خیانت‌.
آنجاق‌ او قورخاغین‌ ائله‌ او آندان‌
اینسانلیق‌ حیسسینی‌، دوشونجه‌سینی-‌
آلیب‌ اوره‌ییندن‌ بوغدو خیانت‌.

بو ایکی‌ کلمه‌، بو ایکی‌ نیدا
ویجدان‌ جبهه‌‌سیندن‌ قوودو اونو دا.
تؤبه‌لر، الینده‌ حربه‌یه‌ دؤندو
خیانت‌ اینسانی‌ بنزتدی‌ قوردا.

اریتدی‌ قورخولار اوره‌یینده‌ کی‌-
اری‌ییب‌ قورتاران‌ بیر توتوم‌ یاغی.‌
اومیدلر، بوزکیمی‌ دؤندو قلبینده‌
اولدو خیانتین‌ آجی ‌سازاغی.‌

ساتدی‌ اینامینی‌ اوجوز، قیمت‌سیز
آخی‌، نه‌ وئر‌رلر بئله‌ قورخاغا!
دؤندو گیله‌لنن‌ سویوق‌ یاشلارا
اوره‌یی‌ گؤزوندن‌ دوشدو تورپاغا.

آغلادی‌، آغلادی‌ او اوزو دؤنموش،‌
قلبینده‌ اینسانلیق‌ چیراغی‌ سؤنموش.
او «نییه‌ آغلاییر»؟ «نییه‌ اینله‌ییر»
خیانت‌! آخی ‌بس‌، آغلاماق‌ ندیر؟
کیپریگی‌ فیرچایا دؤندو، قورخاغین‌
آرزیسی‌ الینده‌ کؤهنه ‌دسمالا.
گؤز یاشی‌ بویاسی،‌ مئشه‌ رمکه‌سی‌
یارپاقلار فیکرینده‌ دؤندو لؤوحه‌یه.‌

اسدی‌ اوره‌یینده‌ آجی‌ قورخولار
لؤوحه‌لر فیکرینده‌ یئللندی‌ بیر ـ بیر.
بیر آندا یارانان‌ قورخولار، اونون‌
عؤمور باغچاسی‌نین‌ چیچه‌یین‌ ازیر.

 

 

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *