ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

eloglu
دوستوم‌
صدیار وظیفه (ائل‌اوغلو)

 

هله‌ده‌ کؤنلومون‌ درینلیگینده‌،
بیرسئوگی‌ قانیمی‌ ایسیدیر دوستوم!‌
شیرین‌ تبسوملر، شیرین‌ گولوشلر،
قلبیمین‌ سیمینی‌ ترپه‌دیر دوستوم‌!

سنی‌ائله‌ یئرده‌ گیزله‌میشم‌ کی‌،
اؤزومدن‌ باشقاسی‌ تاپانمایاجاق‌.
نه‌دوستون‌ طعنه‌سی‌ اوشوده‌ر سنی‌
نه‌دیده‌ر کؤنلونو اوردا  بیرپیچاق.‌

منه‌ آغیر گلیر، اؤلومدن‌ آغیر ـ
سنسیز عؤمور سورمک‌ سنسیز یاشاماق‌.
دونیانی‌ گؤزومدن‌ آتماق‌ دئمکدیر
سنی‌ اوره‌ییمدن‌ چیخاردیب‌ آتماق‌.

سنه‌ده‌ دئمه‌رم‌ هایانداسان‌ بیل‌
یئرینی‌ اوزگه‌یه‌ دئیه‌رسن‌ قفیل‌
دئسه‌م‌ اویلاغینا ال‌ تاپاردوشمن‌
سویودار قلبیمی‌ د‌لر گوناهسیز
بیر غملی‌ فاجیعه‌ یارانار بیزه‌
من‌ دوست‌سیز قالارام‌،
سن‌سه ‌پناهسیز.

اوندا  اوره‌گیم‌له‌ دؤیونن‌ قلبین‌
آیری‌ آهنگ‌ ایله‌ چالینار، آمان.‌
اوره‌ییم‌ نه‌یازیق‌ نوت‌سیز اینیلدر
کؤنلومده‌ چارمیخا چکیلر زامان‌.

سنی‌ اوره‌ییمده‌ گیزله‌میشم‌ من‌
او پاخیل‌ گؤزلره‌ گؤرونمه‌یه‌‌سن‌

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *