شعرلر
حسن اؤزگور
(۱)
بوراخاجاجاغام سنی
اوره ییمین درینلیگینده،
و اونوداجاغام
چیخارماغینی.
(۲)
گؤز یاشلاری یاسدیغینا سوزولدولر
ایکی گونلوک آیریلیغیندان.
گیزلین اللر
بیلمم بیردن
آییرسالار منی سندن,
نه اولاجاق؟!
(۳)
اوره‌ییمی,
اووجومدا ساخلامیشدیم
سنین ایچین.
ساندین کی ساتیرام
گلیب-گئده‌نه.
اونو یالنیز,
بیر باخیشا گؤزلریندن
بیر گولوشه یاناغیندان
بیر اؤپوشه دوداغیندان
وئره‌جه‌یم.
