چئویرن: ایشیق
ترجمه: ایشیق
ایشیق

adalat
گؤزومون یاشی تؤکولدو
عدالت دومان

آغلاماق فیکیریم یوخ ایدی واللاه
ندنسه گؤزومون یاشی تؤکولدو.
بابامین یوردوندا داشلاری گؤردوم
کؤنول ساراییمین داشی تؤکولدو.

تاپمادیم ائومیزده بیرین آغلادیم،
بوش گؤردوم هامینین یئرین آغلادیم
ائومیزین آسلانین، شیرین آغلادیم
هؤنکورتومه قونوم قونشو تؤکولدو.

یوخویموش آتالی-آنالی گونلر
یوخ اویموش ننه‌لی بابالی گونلر
هاوایا سؤورولدو هاوالی گونلر
بیرین یاشادیمسا،بئشی تؤکولدو.

ائله بیل خیالا دالیب ائویمیز
قلبیم تک توتولوب دولوب ائویمیز
آی آللاه نه گونه قالیب ائویمیز
باشیما دونیانین ایشی تؤکولدو.

کول اولدوم دومان تک یاییلدیم داغا
سیندیم، دؤزه‌نمه‌دیم آغیر سیناغا
یایین قیزماریندا اود یاغا- یاغا
اوستومه داغلارین قیشی تؤکولدو.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

گؤزومون یاشی تؤکولدو / عدالت دومان

ایشیق
www.ishiq.net

آذربایجان ادبیات و اینجه‌صنعت سایتی

گؤزومون یاشی تؤکولدو / عدالت دومان

ایشیق
www.ishiq.net

آذربایجان ادبیات و اینجه‌صنعت سایتی

گؤزومون یاشی تؤکولدو / عدالت دومان

ایشیق
www.ishiq.net

آذربایجان ادبیات و اینجه‌صنعت سایتی