اوره‌ییم
فاطمه زلفی
اوره‌یمین ان- بویونو
بوتون آچدیم؛
دویونلرینی آراییب،
بیرجه – بیرجه صادالادیم؛
ییرتیقلارینی یامادیم
یارالارینی باغلادیم
اوز- گوزونو تومارلادیم
قاتلادیم
بوغچالادیم
چینیمه چول قالادیم؛
یول آیریمیندا دایانیب
دلی کیمی هارایلادیم:
“دردین آلیم، درد آلان”!
گؤرن سسیم
مندن اوزاق دوشنلره چاتیبدیر؟
2 پاسخ
تشکورلر، دیرلی قلمداشیم نامی جنابلاری، وار اولاسیز.
تبریکلر حورمتلی فاطمه خانیم زلفی.چوخ گؤزل بیر شعر.اوره یه یاتان وصمیمی بیر شعر.قلمینیز آخار اولسون.