رباعی‌لر
بهرام سورگون
حؤرمتسیز اؤلومده جنگه دؤنموشدو کیشی
بوینوندان آسیق توفنگه دؤنموشدو کیشی
بیلمیردی کی اوولاییب یا اوولانمیشدی
اؤز اوولادیغی پلنگه دؤنموشدو کیشی
آچ گؤزلرینی باغیشلا گؤی قورشاغینا
باغلا یئنی‌دن یئری باریش بایراغینا
یئر گؤی یئنه‌ده گلیب الیندن جانا قیز
قات یئر گؤیو قاتمالا گتیر دوستاغینا
ال چکمه‌یه جک بو درد یاخاندان بیلیرم
گؤز یاشلاریمیز اوزه آخاندان بیلیرم
بیز هانسی قالابالیقلارا آتدیق اونو
باخماز داها سئوگی ایت باخاندان بیلیرم
