ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

yalgiz
دایان، دور
مجید یالقیز

داغلار تکین دایان دور، غم دیرماشیب یورولسون
قوْی غصّه ده ایلان تک هئی قیوریلیب بورولسون
بیلدیرمه غمدن اولموش مین پارچا قانلی کؤنلون
قوْی مدّعی جیجیک دن هئی ویرنیخیب یورولسون
باخما سولار آخیرلار هر یئردن ایندی لیللی
بیرگون گلرکی لئهلر یاتسین تکه دورولسون
بو دلبرین اداسی لاپ زهله‌می آپاردی
بیر آیری دلبر ایستیر، کؤنلوم اوْنا وورولسون
حقسیزلیگین جهاندا زنجیری تیرلشیبدیر
آی حقی آختارانلار بیر زور وئرین قیریلسین
قورد تک کیم ایستیر اولسون داییم هاوا دومانلی
کاش آرزیسی گؤزونده قالسین گؤزو کور اولسون
آغ یا قارا، آدامدیر فرق ائیلمز نه دیر دیل
کورددو، عربدی، فارسدی یا تورک یا لوْر اولسون
یارب قیامت ائیله وار حشره اعتقادیم
دیوان خانا آچیلسین، قوی محکمه قورولسون
دونیاده حق یئیَندن حقلر بوتون آلینسین
نامردلر قولاغی محکم دوتوب بورولسون
یاخشی دئییبله « یالقیز » دوز یول گئدن یورولماز
دونیاده کیم گؤروبدور دوز یو ل گئدن یوْرولسون

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *