ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

imran selahi
سيلاح‎لا ويدالاشماق
عمران صلاحي

احمد آغا دئدي:
– بيزيم بو گوٍنكوٍ ياشاييشيميز اوتوروش‌دان ياتيشا چئوريليب.
دوٍز اوتوروب ايري باخماق يئرينه، ايري اوتوروب دوٍز باخيريق. ائويميزه تئلويزيون گلندن بري بيزيم ياشاييشيميزدان, اوتوروش‌دان ياتيشا چئوريلدي. اوّل‌لر صندل يا موبول اوٍستوٍنده اوتوروب برنامه‌لره باخارديق، سونرا ياواش- ياواش ديوارين ديبينه بير موٍتككه قويوب اونا سؤيكه‌نيب برنامه‌لره باخيرديق، گوٍن‌به‌گوٍن موٍتككه‌دن سوٍروٍشوٍب قاباغا گئديرديك. بير گوٍن گؤردوٍك كي، اوتورماغيميز ياواش- ياواش اييليب ياتيشا چئوريليب. دئمك تئلويزيونا باخاندا موٍتككه‌ني باشيميزين آلتينا قويوب، دالي اوٍسته اوزانيب قيچ‌لاريميزي آچارديق. اونو دا دئييم كي، برنامه‌لرين هامي‌سيندا بو وضعیت اوٍز وئريردي. دئمك اولار، فوتبال موٍسابيقه‌لري، هيجانلي فيليم‌لر و سريال‌لار بيزي ياتيش وضعیتينه سالاردي. اونا گؤره تئلويزيون فيليم وئره‌نده عآئيله عوٍضولريندن سوروشارديم. بو برنامه‌يه موٍتككه ايله باخاجاييق؟ دئمك بو برنامه‌يه باخاندا يئره سريله‌جه‌ييك يا يوخ؟
ميصراع:
يئره سريليب باخيب، حظ آپاراق.
او قده‌ر اوزاناقلي ياشاميشديق كي، ياواش- ياواش بئله بير فيكره دوٍشموٍشدوٍك كي، تئلويزيونو ائوين سقفينه نصب ائله‌يك. بلكه بوينوموز آرتروز تاپماسين. خوشبختليكدن ايل‌لر بويودور كي، تئلويزيون برنامه‌لري‌نين تأثيريندن اوزانيش وضعيت‌دن، اوتوروش حالينا گلميشديك. بو چوخ ياخشي بير زاددير، اونا گؤره كي، قاباق‌لار اوزاناقلي وضعیت‌ده اولاندا چوخ چتين‌ليك‌لرله اوٍزبه‌اوٍز ايديك. ميثال اوٍچوٍن بير گئجه سينمايا گئدنده جاماعاتين صفينده بير كيشي گؤردوٍك. اونون قولتوغوندا بير موٍتككه وار ايدي. سينمانين ايچينده ده فيلم باشلانجاق، كيشي موٍتككه‌سيني باشي‌نين آلتينا قويوب و اونا سؤيكه‌نرك فيلمه باخيردي.
يوخاري مرتبه‌ده‌كي قونشوموز ائولري‌نين ائيوانيندا  ماهواره آنتئني قويوب توٍركيه‎نين برنامه‌لرينه تاماشا ائله‌يندن بيزيم ده وضعیتيميز دييشيليب‌دير. اونلار مرحمت ائله‌ييب اوزون بير سيم ده بيزه وئريبلر؛ بلكه بيز ده توٍركيه‌نين برنامه‌لرينه تاماشا ائله‌يه بيلك. اوندان سونرا يئنه ده بيز موٍتككه‌ليك اولدوق. او قده‌ر اؤز تئلويزيونوموزدا جلب ائديجي برنامه‌لر گؤرموٍشدوك كي، توٍركيه تئلويزيونو هر نه گؤستريرديسه بيزه چوخ ياپيشردي. بونو دا دئييم كي، بو برنامه‌لري تاماشا ائتمك ياريمچيق سكته ائله‎مه‌يه بنزه‌ييردي. دئمك بير موٍتككه‌نين اوٍستوٍنه باش قويوب يئره سريليب برنامه تاماشا ائله‌ين كيمين، ماهواره صاحيبي باشقا كانالا گئتمه‌يه هوس‌لنيردي. بيزيم گؤزلريميز برنامه‌ده‌كي توريستي يئرلره خومارلانان گميني بيردن گؤردوٍك، كانال دييشيليب كئچدي توٍركيه‌نين راز-ي بقاسي‌نين اوٍستوٍنه.
آخي حاييف دئييل، اؤزوٍموٍزوٍن راز-ي بقا برنامه‌ميز اولا- اولا آدام پول خرجله‌يه، گيزلينجه ماهواره آنتئني قورا و سونرا دا اوتوروب مين جوٍره جان‌سيخيجي قورخو ايچينده توٍركيه‌نين راز-ي بقا برنامه‌سينه باخا.
بونلارين هامي‌سيني اودماق اولار. اعتراض ائتمه‌يه ده حاقلي دئييليك. آخي اونلار اؤز مرحمت‌لريندن بيزه بير سيم وئرميشديلر، بيز ده اونلاردان چوخ ممنون قالمالي‌ييق. دئمك راز-ي بقاني باشقا بير ديلده گؤرمه‌يين بيزه آيري بير خئيري ده واريدي. آناديلينده چوخ يالان ائشيتديييميزه گؤره باشقا ديلي ائشيتمك بيزي دينجلديردي.
بيزيم قونشوموزون بير عئيبي وار: او ايسته‌يير, بير آندا ايكي گؤزوٍ ايله تئلويزيونون نئچه كانالينا بير يئرده باخسين. اونا گؤره ده دال‌بادال كانال دييشير. بئله بير وضعیت ياواش- ياواش بيزي موٍتككه‌ليكدن چيخاريردي. دئمك بيردن گؤروٍردوٍك تئلويزيونون برنامه‌سينده قان سو يئرينه آخير، ايبراهيم تاتلي‌سئس ده «ماوي، ماوي، ماس ماوي» اوخويور، يا دا كي، مايكل جكسونون سسي آشيق متين‌اوغلونون آغزيندان چيخير. دئمه‌لي سسلرله قيافه‌لرين بير- بيرينه اويغونلوغو يوخودور.
او واخت‌دان بري بيز يئنه ده اوتوروش وضعیتينه گليب و موٍتككه ايله ويدالاشديق. اؤزوٍموٍزله قرارا گلديك كي، اگر قيافه‌لره اويغون اولمايان سسلري ائشيتمه‌ملي‌ييك‌ نه‌ييميزه گرك‌دي اؤزگه كانال‌لاري تاماشا ائله‌يك.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *