akbar pashapoorبئله بیر قیز سئچین منه بااااااا”
اکبر پاشاپور

یاناغی قیرمیزی آلینی سئچین
دوداقدان سوزولن بالینی سئچین
منه قیز سئچرسز عزیزلر آمان
قاشلاری باشیندان قالینی سئچین
ایسته‌رم اوزونده قارا بیر خالی
بورنونون اوستونده خالینی سئچین
دئییرلر چؤرکدن یئمه‌لی شاطیر
چیچگی بوراخین دالینی سئچین
خرجیمیز قالخماسین یوخاری دئیه
جورابسیز، آیاقی یالینی سئچین
قوجالدیم، دئمه‌سین او منه قوجا
باشینا دن دوشموش، چالینی سئچین
توی گونون تاریخین او دئسه اگر
چرشنبه دئییرسه، سالینی سئچین
موتلویام؟ دئییلم آما سیز منه
بخته‌ور یازیلمیش فالینی سئچین
یایلیغا، چادرایا یوخ منیم پارام
اؤرتمه‌ین باشینا شالینی سئچین
بؤیله قیز گؤرسه‌نیز، تاپسانیز اگر
یئترکی سوروشون حالینی سئچین!
27/1/93

 

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4