بوگون سه شنبه 31 فروردین 1400 ساعات 01:07
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

نه ایشیم وار؟
میرزا علی اکبر صابر

ملت نئجه تاراج اولور اولسون، نه ایشیم وار؟
دشمن‌لره محتاج اولور اولسون نه ایشیم وار؟
قوی من توخ اولوم اؤزگه‌لرایله نه‌دی کاریم!
دونیا و جهان آج اولور- اولسون نه ایشیم وار؟

سس سالما،‌ یاتانلار آییلار، قوی هله یاتسین،
یاتمیشلاری راضی دگیلم، کیمسه اویاتسین،
تک تک آییلان وارسادا، حق دادیمه چاتسین،
من سالم اولوم جمله جهان باتسادا باتسین،
ملت نئجه تاراج اولور اولسون، نه ایشیم وار؟
دشمن‌لره محتاج اولور اولسون نه ایشیم وار؟

سالما یادیما صحبت تاریخ جهانی،
ایام سلفدن دئمه سؤز بیر ده فلانی،
حال ایسه گتیر میل ائله‌ییم دولمانی، نانی،
مستقبلی گؤرمک نه گرک،‌ عمردو فانی،
ملت نئجه تاراج اولور اولسون، نه ایشیم وار؟
دشمن‌لره محتاج اولور اولسون نه ایشیم وار؟

اولاد وطن قوی هله آواره دولانسین،
چرکاب سفالتله الی، باشی بولانسین،
دول عورت ایسه سائله اولسون، اودا یانسین،
آنجاق منیم آوازه‌ی شانیم اوجالانسین،
ملت نئجه تاراج اولور اولسون، نه ایشیم وار؟
دشمن‌لره محتاج اولور اولسون نه ایشیم وار؟

هر ملّت ائدیر صفحه‌ی دونیاده ترقی،
ائیلر هره بیر منزل و مأواده ترقی،
یورغان دوشه‌گیمده دوشه گر یاده ترقی،
بیز ده ائده‌ریک عالم رؤیاده ترقی،
ملت نئجه تاراج اولور اولسون، نه ایشیم وار؟
دشمن‌لره محتاج اولور اولسون نه ایشیم وار؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *