آشیق سؤزونون کؤکو حاقیندا
اسلام صادق
حاضیرلایان: جابیر اسمعیل‌زاده شاملو
آذربایجان ادبیات‌شوناسلیغیندا و دیلچی‌لییینده عرب-فارس مئیللری همیشه گوجلو اولموشدور. حتی بیر واختلار معین سؤز و یا تئرمینلرین کؤکلرینی زورلا عرب-فارس دیللرینه باغلاماق تشبث‌لری آز قالا بیر دب حالینی آلمیشدیر. آشیق سؤزونون کؤکونو ده بیر زامانلار استثناسیز اولاراق عرب دیلینه باغلانمیشدیر. د‌یلچی‌لریمیزین و فولکلورشوناس‌لاریمیزین اکثریتی آشیق سؤزونون عرب‌لرین ایشیق سؤزوندن یاراندیغینی سؤیله‌ییردیلر. بو فیکری سؤیله‌یه‌نلر هم آشیق و ایشیق سؤزلرینین یازیلیشینداکی یاخینلیغا، هم ده اونلارین هر ایکیسی‌نین ایشیق، نور معناسی داشیدیغینا اساسلانیردیلار. دوغرودان دا آشیق و ایشیق سؤزلری آراسیندا یازیلیش و معنا اوخشارلیغی چوخدور. دؤرد حرفلی آشیق و ایشیق سؤزلرینین اوچ حرفی عینی‌دیر. بو سؤزلری بیر-بیریندن یالنیز ایلک سسلی‌لرین مختلیفلییی فرقلندیریر. معنا اوخشارلیغی دا اوندادیر کی، آشیق دا ایشیقلی آدام دئمک‌دیر. ایلک یانلیشلیق بوراسیندادیر کی، آشیغین وارلیغینداکی، جانینداکی ایشیقلا عرب سؤزونون معناسینداکی ایشیق بیر-بیریله قاریشدیریلمیشدیر. هئچ کس فرقینه وارمامیشدیر کی، آشیغین جانینداکی، روحونداکی ایشیق تانری ایشیغی‌دیر، یعنی بو ایشیق تانری طرفیندن آشیغین روحونا، وارلیغینا هوپدورولموشدور. اونا گؤره ده آشیغین روحونا هوپموش ایشیغین کؤکونده عرب ایشیغی دورمور.
مقاله‌نین PDF نوسخه‌سینی ائندیرین
