بیرگون بیر قیز آنا- آتا سی ایله ساحیله گئتدیلر. او قیز سویا یاخینلاشاندا دالغانین اونا ساری گلدییینی گؤردو. او دالغانین اونو قوودوغونو ساندی اونا گؤره قاچدی. آمما سونرا دایاندی و دالغانین اوستونه باغیردی. او زامان دالغا آرخایا دوغرو گئدیب، قیز دا اونون سسیندن قورخدوغونو ساندی. قوملارا اوتوروب حیرسله دنیزه باخدی او آندا دالغا اونا ساری گلدی. او دالغانین اوستونه باغیردی آما دالغا قورخمادی. قیز بیر آندا اونونلا دوست اولدوغونو دوشوندو و اونا ساری گئتدی و اونا ساریلدی. گؤردو کی یئکه بیر دالغا اونون اوستونه توکولور. ا.و زامان ایسلاندی آما گؤردو کی دالغا اونا هدیه وئریب( دنیز اولدوزو، صدف،…)
چوخ سئویندی اما گئتمک واختیندا اونا گوله- گوله دئدی: دالغا! سن بوگون منی چوخ ائیلندیردین، سنی چوخ سئویرم!
ایضاح: بو حیکایه نی کوره لی «سوزی لی» آدلی بیر نقاشین چکدیی نقاشیلرینه باخاراق یازمیشام.
