ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


ایدمان كیلاسیندا …
حسین واحدی

 مدرسه نین زنگی چالیندی. اوشاق لار سیرادا دورماق اوچون توو ایله قاچیب سیرالاندیلار. مقدس قورآن دان بیر قیسا سوره اوخونوب، دوعادان سونرا مودورون صحبتی باشلاندی: از برای اینكه …

اوشاقلار، بویان-اویانا باخا-باخا صوحبته مشغول ایدیلر. مودورون دانیشیغیندان سونرا اؤیرنجی لر كیلاسا گئتدیلر. آیدین گیلین ایدمان (ورزش) كیلاس لاری وار ایدی. او ایلك ابتدایی كیلاسا یئنی باشلامیشدی. ایدمان پالتارلاری اگنینده ماراق ایله معللیمه باخیردی.

معللیم او كیلاسین هامیسینی دؤوره سینه ییغیب، اونلارا بو ساعات دا نه ایشلر ائتدیكلریندن دانیشیردی. بیر آزدان مدرسه یه تازا گلمیش گنج ایدمان معللیمی اونلارا قوشولدو.

– سلام بچه ها…

هامی سلامی بیلرك، سلام جاوابینی یئره سالمادیلار. ایكی معللیم بیر-بیری ایله دانیشماغا باشلایاراق، اوشاقلارا مدرسه نین حیطین بئش دؤور قاچین دئدیلر.

بئش دؤور قورتولاندان سونرا یئنه اوشاق لار معللیم لرین یانینا ییغیشدیلار. بو دفعه گنج ایدمان معللیمی اوشاقلارلا دانیشماغا باشلادی:

– بچه خوبید؟! خوب حالا تا 3 میشمارم …!!

اوشاقلار هویوخاراق اؤز یئرلرینده دایانمیشدیلار. قدیمی معللیم گنج معللیمه گولومسه یه رك؛ آغا اوجور یوخ، هله سن یولا دوشمه ییب سن ائله بیل!! باخ منه:

-اوشاقلار اوچو سایاتاجان هئچ كیم بورادا قالماسین. هامی سو ایچمه یه گئتسین… بیر…ایكی … اوچ…

اوشاق لار هارای چكرك، شیرلرین باشینا قاچدیلار. معللیم لر ایسه گولومسه ییردیلر. من هله ده مدرسه نین قاپیسیندا اونلاری ایزله مكدن لذت آلیب، اورادان آیریلماق ایسته مه ییردیم…

یک پاسخ

  1. سلام ايشيق سايتينا
    دونياليق آنا ديلي گونونده بئله بير حكايه ني اوخوماق چوخ لذت وئردي

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *