بیر قارتال تله‌یه دوشموشدو. قاناد چالیر، چیرپینیر، تله‌دن جانینی قورتارماغا چالیشیردی. یاشلی بیر کیشی اونون بو حالینی گؤره‌رک اوره‌یی یاندی.«یقین اونون دا بالالاری وار»-دئیه دوشوندو و قارتالی تله‌دن خیلاص ائتدی. قارتال قاناد چالیب اوچدو. بیر نئچه گون کئچدی. یاشلی بیر کیشی کهنه ائوین کؤلگه‌سینده اوتوروب دینجینی آلیردی. گؤیده اوچان قارتال اوزاقدان خیلاصکارینی تانیدی. اوچا-اوچا کیشینین پاپاغینی باشیندان گؤتوروب او یئردن اوزاقلاشدی. کیشی قارتالین دالینجا قاچماغا باشلادی. دوزنلییه چاتاندا قارتال پاپاغینی یئره آتدی. ائله بو زامان یئر –گوی تیتره‌دی. زلزله باش وئردی. کیشی اولجه قورخدو. سونرا اؤزونه گلیب پاپاغینی یئردن گؤتوردو و دینجلدیی یئره قاییتدی. نه گؤرسه یاخشی‌دیر؟ ائو اوچوب داغیلمیشدی، داش داش اوسته قالانمیشدی. کیشی باشا دوشدوکی، بو قارتال واختیله خیلاص ائتدییی قوشدور. ایندی یاخشیلیغین عوضی چیخدی.